Хайрла - "ХҮНСНИЙ ХАЯГДЛААР КОМПОСТ БОРДОО ХИЙХ АРГА, БОРДООНЫ АЧ ТУС" сэдэвт сургалтыг сургагч багш нараар дамжуулан Нийслэлийн Сонгинохайрхан дүүргийн 80-р цэцэрлэг дээр 2024 оны 05 дугаар сарын 10-ны өдөр зохион байгууллаа.

"ХҮНСНИЙ ХАЯГДЛААР КОМПОСТ БОРДОО ХИЙХ АРГА, БОРДООНЫ АЧ ТУС" сэдэвт сургалтыг сургагч багш нараар дамжуулан Нийслэлийн Сонгинохайрхан дүүргийн 80-р цэцэрлэг дээр 2024 оны 05 дугаар сарын 10-ны өдөр зохион байгууллаа.

Нийслэлийн Засаг даргын Тамгын газар, Улаанбаатар хотын захирагчийн ажлын албанаас Азийн хөгжлийн банктай хамтран Ази, Номхон далайн бүсийн тогтвортой хөгжлийн Япон сангийн санхүүжилтээр хэрэгжүүлж буй "9202-МОН: Улаанбаатар хотын хүнсний хог хаягдлыг дахин боловсруулах төсөл"-өөс "ХҮНСНИЙ ХАЯГДЛААР КОМПОСТ БОРДОО ХИЙХ АРГА, БОРДООНЫ АЧ ТУС" сэдэвт сургалтыг сургагч багш нараар дамжуулан цэцэрлэгийн хүүхдүүд, тэдний эцэг эх, асран хамгаалагчдад зориулсан сургалт болон өргөжүүлэх үйл ажиллагааг Нийслэлийн Сонгинохайрхан дүүргийн 80-р цэцэрлэг дээр 2024 оны 05 дугаар сарын 10-ны өдөр зохион байгууллаа.

Энэхүү сургалтанд тус цэцэрлэгийн 16 бүлгийн 148 эцэг эх хамрагдсан бөгөөд 393 хүүхдэд хичээл үйл ажиллагаагаар сурталчилсан болно.

Төслөөс бага насны хүүхдүүдэд зориулан бэлтгэж хэвлүүлсэн “Хогон мангасын дэлхийг эзлэх төлөвлөгөө” зурагт комик номыг бяцхан суралцагчид сонирхож байсан бол багш нарын өөрсдөө найруулж, өөрсдөө тоглож толилуулсан “Бордоо” жүжиг эцэг эхчүүд, оролцогчдод ихээхэн таалагдсан арга хэмжээ боллоо.

Хүүхэд, эцэг эхчүүдэд зориулсан энэхүү танин мэдэхүйн сургалт, мэдээллийн үйл ажиллагаа нь хоол хүнсний хэрэглээгээ зөв зохицуулж хүнсний хаягдлыг бууруулах, хаягдлыг дахин боловсруулж ашиглах замаар байгальд ээлтэй зөв хандлага, дадлыг төлөвшүүлэхэд тус нэмэр болох нь дамжиггүй.