Galaxy tower, Khan-Uul district
Мэдээ дэлгэрэнгүй
29
II“ХҮНСНИЙ ХАЯГДЛААР КОМПОСТ ХИЙХ, АШИГЛАХ АРГА ЗҮЙ” сэдэвт практик мэдлэг олгох сургалтыг зохион байгууллаа
Өнөөдөр/2024.02.29/ Нийслэлийн Засаг даргын Тамгын газар, Улаанбаатар хотын захирагчийн ажлын албанаас Азийн хөгжлийн банктай хамтран Ази, Номхон далайн бүсийн тогтвортой хөгжлийн Япон сангийн санхүүжилтээр хэрэгжүүлж буй "9202-МОН: Улаанбаатар хотын хүнсний хог хаягдлыг дахин боловсруулах төсөл"-ийн хүрээнд “ХҮНСНИЙ ХАЯГДЛААР КОМПОСТ ХИЙХ, АШИГЛАХ АРГА ЗҮЙ” сэдэвт практик мэдлэг олгох сургалтыг зохион байгууллаа.
Уг төслийн 2024 оны үйл ажиллагааны төлөвлөгөөнд тусгагдсаны дагуу “Скай хайпермаркет” ХХК-ийн Е март-1, 2 салбар, “Барс импекс” ХХК-ийн Барс-1, 2 салбар, “Номадс хоспиталити“ ХХК -ийн хүнсний үйлдвэр, Хөдөө аж ахуйн их сургууль, “Хүдэр цонж” ХХК болон “Астила увс” ХХК-ийн хүнсний ногооны худалдааны төв, Баянгол рестарон зочид буудал, “Өндөр -Улаан трэвел” ХХК-ийн Red rock ресорт, Хүмүүн ОУ-ын сургууль, Цэвэр хөрсний шим дундын хоршоо зэрэг том түвшний 10 ААН-ын 12 байршлыг хамруулсан бөгөөд эдгээр ААН-ын 40 орчим төлөөлөл хамрагдлаа.
Туршилтын сургалт нь сонгогдсон аж ахуйн нэгж, байгууллагад тэдний гаргаж буй хүнсний хаягдлын хэмжээ, найрлагын талаарх мэдлэг, дадлыг практик сургалтаар дээшлүүлэх, харилцан хэлэлцэж туршилтыг хэрэгжүүлэхэд гарч буй хүндрэл бэрхшээл болон сайн туршлагуудын санал солилцох ач холбогдолтой юм.
Өмнө нь жижиг түвшний туршилтад өрхөөс гарч буй хүнсний хаягдлаар гэрийн нөхцөлд ялзмаг бордоо хийх туршилтыг нийт 50 өрх, Дунд түвшний туршилтад 10 байршилд “Дундын эзэмшлийн хайрцганд хүнсний хаягдлаар ялзмаг бордоо хийх туршилт”-ыг хэрэгжүүлсэн.
