Мэдээ дэлгэрэнгүй

14

IX

Улаанбаатар хотын Ерөнхий менежер М. Баяраа “Улаанбаатар хотын хүнсний хог хаягдлыг дахин боловсруулах төсөл”-ийнхэнтэй уулзаж төслийн хэрэгжилтийн явцын талаар уулзалт хийв

Өнөөдөр Япон сангийн буцалтгүй тусламжийн хөрөнгөөр Азийн хөгжлийн банкны санхүүжилтээр хэрэгжиж байгаа“Улаанбаатар хотын хүнсний хог хаягдлыг дахин боловсруулах төсөл”-ийнхэнтэй уулзаж төслийн хэрэгжилтийн явцын талаар болон Улаанчулуутын төвлөрсөн хогийн цэг дээр төвлөрөх хүнсний хог хаягдлыг боловсруулах үйлдвэрийн асуудлыг шийдвэрлэв.
Улаанбаатар хотод жилд дунджаар 1,5 сая тонн орчим хог хаягдлыг цуглуулан тээвэрлэдэг ба үүний 20 хүрэхгүй хувийг дахин боловсруулах замаар эдийн засгийн эргэлтэд оруулж, үлдсэн 80 хувийг төвлөрсөн хогийн цэгүүдэд дарж булшлах замаар устгаж байна. Жилдээ 132,000 тонн хүнсний хог хаягдал гардаг. Энэ хог хаягдлыг ашиглах, боловсруулах зайлшгүй шаардлагатай.
Уг төсөл нь Улаанбаатар хотод хүнсний хог хаягдлыг дахин боловсруулах технологийг иргэдийн оролцоотойгоор нэвтрүүлэх зорилготой бөгөөд төслийг гурван хэсэгт хувааж хэрэгжүүлж байна. Эхний үе шатанд Улаанбаатар хотын хүнсний хог хаягдлын нөхцөл байдалд нарийвчилсан судалгаа үнэлгээ хийгдэж, цаашид гарах үр дүнг тодорхойлсон. Мөн хүнсний хог хаягдлыг иргэдийн оролцоотой дахин боловсруулах туршилтын төсөл хэрэгжүүлж, иргэд хүнсний хог хаягдлыг дахин боловсруулсан бордоог үйлдвэрлэж цэцэрлэгжүүлэлтийн ажилд ашиглаж эхэлсэн. Төслийн хүрээнд цэцэрлэг, сургууль зэрэг хүнсний хог хаягдал ихээр гаргадаг аж ахуйн нэгжүүдэд модулан хайрцаг ашиглан хүнсний хаягдлаар компост боловсруулах туршилтыг 2022 оны 10-р сараас эхлэн амжилттай хэрэгжүүлж байна.

Шинэ мэдээ

Ангилал